Xalqaro iqtisodchilarning prognoziga ko‘ra, global iqtisodiy o‘sish 2023-yilda 2,2 foizgacha pasayadi. Jahon yalpi ichki mahsuloti esa 2,8 foizga oshishi kutilmoqda. Bu haqda “Kommersant” xabar bermoqda.
Pul-kredit siyosatining keskinlashuvi va pandemiyadan so‘ng tiklanish effektining tugashi fonida o‘sish sur’atlarining sekinlashishi rivojlangan mamlakatlarga, shuningdek, Osiyo (Xitoydan tashqari), Janubiy Amerika va Yaqin Sharqdagi rivojlanayotgan mamlakatlarga ham ta’sir qiladi.
So‘rovnomada qatnashgan iqtisodchilarning 45 foizi energiya resurslari tannarxining Yevropa mamlakatlari sanoatiga ta’sirini “sezilarli”, 55 foizi “o‘rtacha” deb baholaydi. 64 foizi Ukrainadagi mojaro yaqin 12 oy ichida yakunlanishini kutmayapdi.
Umuman olganda, ekspertlar yevrohududdagi yalpi ichki mahsulot o‘sishi bu yilgi 2,8 foizdan keyingi 0,5 foizgacha pasayishini kutmoqda.
2023-yilda Xitoy iqtisodiyotining o‘sishi bu yilgi 3,4 foizdan 5 foizgacha tezlashishi mumkin. Shu bilan birga, bunday nisbatan past ko‘rsatkichlar global o‘sishga ta’sir qiladi, chunki mamlakat jahon yalpi ichki mahsulotining beshdan bir qismini tashkil qiladi.
Inflyatsiya joriy yilning oxirida eng yuqori cho‘qqisiga chiqadi va kelgusi yilda sekinlashadi, biroq ko‘plab rivojlanayotgan mamlakatlarda valyutalarining zaiflashishi tufayli yuqoriligicha qoladi. G7 mamlakatlarida inflyatsiya boshqa mintaqalarga qaraganda past bo‘ladi.
Prognozga ko‘ra, tovar narxlari 2023-yilda joriy yil boshiga nisbatan biroz yuqoriroq bo‘ladi. Neft narxi bir barrel uchun 90 dollargacha tushadi, chunki xavflar iqtisodchilar OPEK+ kelishuvining narxlarga ta’siri va Rossiya eksportining yanada qisqarishiga ishora qilmoqda.
Izoh (0)