Amerikalik olimlar o‘lim darajasi 80 foiz bo‘lgan kovid shtammini aniqladi

Boston universitetining olimlari 80 foiz o‘lim darajasiga ega bo‘lgan kovid shtammini yaratdi, deb yozadi Daily Mail.

Amerikalik tadqiqotchilar guruhi laboratoriyada pandemiyaga sabab bo‘lgan tajriba turlarini takrorlab, yangi halokatli kovid shtammini kashf qildi.

Omikron gibridining mutant varianti va asl Uxan virusi Boston universitetida tajriba o‘tkazilgan sichqonlarning 80 foizini o‘ldirdi.

Biroq shunga o‘xshash kemiruvchilar guruhi standart omikron shtammiga nisbatan jiddiy ta’sir sezmadi. Ularning barchasi tirik qolgan va faqat yengil alomatlarni boshdan kechirgan.

Olimlar guruhi, shuningdek, gibrid variantni inson hujayralariga yo‘naltirdi va uning omikronga qaraganda besh barobar ko‘proq yuqumli ekanligini aniqladi. Bu esa virusning eng yuqumli shakli bo‘lishi mumkinligini ko‘rsatadi.