Amaldagi savdo rejimini saqlash va yanada yaxshilash tamoyillari asosida MDH doirasida to‘laqonli erkin savdo zonasini shakllantirish O‘zbekistonning eng muhim manfaatlardan biri hisoblanadi.
MDH makoni 290 mln aholiga ega bo‘lgan (dunyo aholisining 3,8 foizi) yirik bozorni o‘zida mujassam etadi. 2019-yilda MDH mamlakatlarining jami YAIM 2,16 trln dollar (jahon YAIMning 2,5 foizi), umumiy tashqi savdo tovar aylanmasi hajmi 1,1 trln dollarga yaqin (jahon bo‘yicha savdoning 3 foizga yaqini) bo‘lgan.
MDH mamlakatlari iqtisodiy rivojlanishni faollashtirish uchun ulkan umumiy resurslarga ega. Dunyodagi tabiiy gaz va ko‘mir zaxiralarining qariyb 30 foizi, neftning 20 foizi, uranning 36 foizi, oltinning 20 foizi, ekin ekiladigan yerlarning 13 foizi va boshqalar Tashkilotdagi mamlakatlar hissasiga to‘g‘ri keladi.
Hozirgi vaqtda O‘zbekiston uchun MDH faoliyatidagi asosiy ustuvor yo‘nalishlar orasida — transport-kommunikatsiya infratuzilmasini rivojlantirish, a’zo davlatlar o‘rtasida o‘zaro bog‘liqlikni kuchaytirish, mehnat muhojirlari manfaatlarini himoya qilish uchun huquqiy mexanizmlarni kengaytirish masalalari bor.
Izoh (0)