Qarshida jarima maydonchasiga joylashtirilgan Nexia-2 haydovchisi maydon darvozasini buzib, mashinasini olib qochdi. Holat aks etgan video ijtimoiy tarmoqlarda tarqaldi.
Viloyat IIB axborot xizmati rahbari Javlon Baxtiyevning “Daryo” so‘roviga asosan ma’lum qilishicha, voqea 13-oktabr kuni Qarshi shahridagi 3-mitti tumanda joylashgan jarima maydonchasida yuz bergan.
Shu kuni YPX xodimlari tomonidan to‘xtatilgan haydovchi hujjatlari tekshirilganda unda kamchilik chiqqani bois mashina jarima maydonchasiga olib ketilgan. Haydovchi mashinasi evakuatordan tushirilganida uni haydab, jarima maydonchasining darvozasini buzib, olib qochib ketgan.
Ayni paytda haydovchi qo‘lga olingan. Uning huquqbuzarligi bo‘yicha hudud profilaktika inspektori tomonidan sudga hujjat tayyorlanmoqda.
Izoh (0)