Samarqandda Lacetti metall to‘siqqa urilishi oqibatida haydovchi va to‘rt nafar yo‘lovchi halok bo‘ldi.
Viloyat IIB matbuot xizmatining ma’lum qilishicha, voqea 13-oktabr kuni soat 19:00 M-37A aylanma avtomobil yo‘lining 37-kilometrida yuz bergan. 30 yoshli haydovchi J.M. boshqaruvida bo‘lgan Lacetti rusumli avtomashinasida Toshkent—Buxoro yo‘nalishi bo‘yicha harakatlanayotib, avtomashina boshqaruvini yo‘qotgan va yo‘lning qarama-qarshi yo‘nalishlarini ajratib turgan metall to‘siqqa urilgan.
Oqibatda haydovchi va yo‘lovchilar — 25 yoshli Y.U, 41 yoshli R.E., 44 yoshli A.U. va 34 yoshli M.G‘. tan jarohatlari olib, voqea joyida vafot etgan.
Holat yuzasidan viloyat IIB tomonidan mazkur holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 3-qismi “a” bandi bilan jinoyat ishi qo‘zg‘atilgan.
Izoh (2)
Xatto polosa ham chizilmagan o'sha yerda
Hech kimning hokim buvaning yumshoq qilib aytganda, "e'tiborsizligi" sababli yo'lning o'sha qismidagi to'siq oxirigacha qurib bitkazilmaganligi, birorta ogohlantiruvchi belgi qo'yilmaganligini aytishga yuragi betlamaydi. Har doimgidek hamma ayb boshqaruvni yo'qotgan haydovchida