Farg‘ona shahrida o‘zganing sumkasidan telefon o‘g‘irlagan ayol qo‘lga olindi. Bu haqda “Daryo”ga viloyat IIB axborot xizmati ma’lum qildi.
Qayd etilishicha, 2022-yilning 17-sentabr kuni B.F. ismli ayol ichki ishlar bo‘limiga murojaat qilib, 15-sentabr kuni Pahlavon Mahmud ko‘chasida sumkasidan narxi 2 million so‘m bo‘lgan Samsung rusumli telefonini noma’lum shaxs yashirin ravishda o‘g‘irlab ketganini bildirgan.O‘tkazilgan tezkor qidiruv harakatlari natijasida ushbu jinoyatni T.I. ismli ayol sodir etgani aniqlangan.
Mazkur holat yuzasidan Farg‘ona shahar IIB huzuridagi Tergov bo‘limi tomonidan Jinoyat kodeksining 169-moddasi (o‘g‘rilik) 2-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
Izoh (0)