“Firibgarlikka qarshi ommaviy immunitet hosil qilish kerak” — Shuhrat Qurbonov

“Daryo” internet-nashri hamda Toshkent shahri hokimligi qoshidagi Jamoatchilik kengashi hamkorligida tashkil etilgan “Mahalla. Muammo. Mulohaza” loyihasining 2-soni mehmoni — Telegram’dagi “Kurbanoff.net” kanali muallifi, iqtisodchi Shuhrat Qurbonov bo‘ldi. Ko‘rsatuvning bu galgi mavzusi — onlayn firibgarlik.

Iqtisodchining ta’kidlashicha, fuqarolar o‘rtasida firibgarlik qurboni bo‘lish holatlarining ko‘pligiga sabab bu — soddalik. Shu sabab bunga qarshi ommaviy immunitet hosil bo‘lishi lozim.

COVID paytida kollektiv immunitet degan termin paydo bo‘lgandi. Ya’ni, koronavirus yo‘q bo‘lishi uchun 70 foiz odam yo kasal bo‘lib o‘tishi kerak, yo immunizatsiya bo‘lishi kerak.

Ba’zida o‘ylayman, menimcha, bizda firibgarlikka qarshi ham kollektiv immunitet paydo bo‘lishi zarur. U qanday paydo bo‘ladi? Yoki firibgarlikni boshidan o‘tkazishi kerak, yoki odamlarni maksimal darajada xabardor qilish kerak. Faqat eshitdim-ko‘rdim bilanmas, iloji bo‘lsa, yoshi katta yaqinlarimizni ham ogohlantiraylik, — deydi Shuhrat Qurbonov.