Markaziy bank iyun oyi uchun tadbirkorlik subyektlarning inflyatsion kutilmalari sharhini taqdim qildi.
Joriy yilning sentabr oyi yakunlariga ko‘ra, kelgusi 12 oy uchun narxlar o‘sishi bo‘yicha biznes vakillarining inflyatsion kutilmalari o‘tgan oyga nisbatan 0,3 foiz bandga kamayib, 13,8 foizgacha pasaydi.
Kelgusi 12 oyda inflyatsiya ko‘rsatkichi joriy darajada yoki undan yuqoriroq bo‘lishini kutayotgan biznes vakillarining ulushi o‘tgan oyga nisbatan 2 foizga pasayib, 45 foizni tashkil etdi.
Ushbu oyda tadbirkorlarning aksariyat qismi kelgusi 12 oyda inflyatsiyani 9-12 foiz atrofida bo‘lishini kutishmoqda.
Shuningdek, sentabr oyida bir yildan so‘ng inflyatsiya 6-8 foiz doirasida bo‘lishini kutayotgan biznes vakillarining ulushi ortib bormoqda.
Biznes vakillari tomonidan keyingi 12 oyda narxlar oshishiga yonilg‘i mahsulotlari va transport xizmatlarining narxlari qimmatlashishi (35 foiz) hamda ish haqi va nafaqalarning oshishi (23 foiz) kabi omillar ta’sir etishi mumkinligi ta’kidlandi.
Shuningdek, kelgusida narxlar oshishiga xorijdan xomashyo yetkazib berishda uzilishlar yuzaga kelishi hamda import qilishdagi tarif va notarif cheklovlarning saqlanib qolinishini kutayotgan tadbirkorlarning ulushi pasayishda davom etmoqda.
Izoh (0)