24-fevraldan keyin Xitoyning Alibaba kompaniyasi AliExpress Russia’ga sarmoya kiritishdan bosh tortdi. Keyinchalik rossiyalik aksiyadorlar ham loyihaga sarmoya kiritishni to‘xtatgan. Bu haqda The Bell nashri xabar bermoqda.
Nashrning yozishicha, loyiha xodimlarining 50 foizdan ortig‘ini qisqartirgan va Wildberries va Ozon bilan raqobatlasha oladigan mahalliy bozorni tark etgan.
AliExpress’ning eng yirik aksiyadori Xitoyning Alibaba Group kompaniyasi (47,85 foiz), Alisher Usmonovning USM xoldingi (24,3 foiz), VK (15 foiz) va Rossiyaning to‘g‘ridan to‘g‘ri investitsiyalar fondi (12,8 foiz) hisoblanadi.
Qayd etilishicha, Alisher Usmonovning USM xoldingi sanksiyalar xavfi ostida AliExpress Russia’ga sarmoya kiritishni to‘xtatgan.
Manbalarga ko‘ra, agar Alibaba loyihaga sarmoya kiritishda davom etsa, Usmonov va Rossiyaning To‘g‘ridan to‘g‘ri investitsiyalar fondi ham bunga ergashishi mumkin edi.
AliExpress Russia loyihasi sotilmasligi ma’lum qilingan. Ammo infratuzilma va tezkor yetkazib berishning yo‘qligi loyihaning asta-sekin raqobatchilarga o‘z o‘rnini berib qo‘yishini anglatadi.
Izoh (0)