So‘nggi vaqtlarda bank xizmatlari yordamida pullarni ko‘paytirish niqobi ostida firibgar saytlar ko‘payib bormoqda. Ular O‘zbekiston aholisiga pul ishlash yoki nafaqa olishning noqonuniy yo‘llarini taklif qilmoqda.
Markaziy bankning Finlit loyihasi firibgarlardan ehtiyot bo‘lish haqida ogohlantirdi.
Uch karra foyda olishni va’da qilgan holda firibgarlar banklarning soxta sayt havolalariga o‘tishni va shaxsiy bank kartasi ma’lumotlarni qoldirishni taklif qilishmoqda.
Qonuniy saytlarni soxta saytdan qanday farqlash mumkin?
Shunchaki brauzerda sayt sahifasining manzilini tekshirib ko‘rish kerak. Agar sahifa manzilida qo‘shimcha harflar bo‘lsa yoki aksincha, belgilar yetarli bo‘lmasa — bu soxta sayt va bunday saytga shaxsiy ma’lumotlarni kiritish xavfli.
Bundan tashqari, agar sizga ushbu kod sizning shaxsingizni tasdiqlash yoki pul olish uchun kerakligi aytilgan bo‘lsa ham — hech qachon notanish veb-sahifalarda SMS xabarlardan tasdiqlash kodlarini kiritmang, — deydi Finlit.
Ta’kidlanishicha, firibgarlar shu usulda barcha pullarni o‘zlariga olishlari mumkin.
Mavzuga doir: Onlayn firibgarlik: fishing nima va undan qanday himoyalanish kerak?
Izoh (0)