Alphabet tarkibiga kiruvchi Google kompaniyasi 2023-yilda Yaponiyada o‘zining birinchi ma’lumotlar markazini (DPC) ochishni rejalashtirmoqda. Bu haqda bosh direktor Sundar Pichaiga tayanib, “Interfaks” xabar bermoqda.
Data markaz Chiba prefekturasidagi Inzay kichik shaharchasida joylashadi. U kompaniyaning 2022—2024-yillar oralig‘ida mamlakatdagi 730 million dollarlik infratuzilma investitsiya dasturi doirasida ochiladi.
Ma’lumotlar markazining ochilishi haqidagi e’lon Pichaining Yaponiyaga tashrifi va bosh vazir Fumio Kisida bilan uchrashuvidan so‘ng e’lon qilindi.
Alphabet allaqachon Osiyo, Singapur va Tayvanda bir nechta ma’lumotlar markazlariga ega.
Avvalroq kompaniya joriy yilda AQSHda yangi ma’lumotlar markazlari va ofislarini qurish uchun 9,5 milliard dollar sarflashni rejalashtirayotganini e’lon qilgan edi.
2022-yil boshidan buyon Alphabet kapitallashuvi 29,3 foizga tushib, 1,33 trillion dollarni tashkil qildi.
Izoh (0)