Farg‘ona viloyatining Uchko‘prik tumanida qarzdor ota 1 nafar farzandi uchun salkam 112 million so‘m aliment pulini oldindan to‘ladi.
MIB Farg‘ona viloyati boshqarmasining ma’lum qilishicha, byuroning Uchko‘prik tumani bo‘limi ish yurituvida fuqarolik ishlari bo‘yicha Qo‘qon tumanlararo sudining 2019-yil 18-iyuldagi sud buyrug‘iga ko‘ra, qarzdor A.A.dan undiruvchi K.M.ning foydasiga 1 nafar farzandining voyaga yetguniga qadar oylik daromadining 1/4 qismi miqdorida aliment undirish haqidagi ijro hujjati mavjud bo‘lgan. Davlat ijrochisi tomonidan qarzdorga uning huquq va majburiyatlari tushuntirilgan.
Qarzdor A.A. 2022-yil 22-sentabr kuni undiruvchi K.M. bilan o‘zaro kelishgan holda farzandini 18 yoshga to‘lguniga qadar bo‘lgan davr uchun hisoblangan 111 million 880 ming so‘m aliment pullarini oldindan to‘liq to‘ladi.
Shundan so‘ng, undiruvchi K.M.ning arizasiga asosan mazkur ijro hujjati amalda tamomlandi.
Izoh (0)