Ijtimoiy tarmoqlarda Farg‘onada fuqarolar haydovchilarni tartibga chaqirish maqsadida xizmat olib borayotgan xodimlarning yoniga kelib, qo‘pol munosabatda bo‘lgani aks etgan videolavha tarqaldi. Yo‘l harakati xavfsizligi boshqarmasi holatga munosabat bildirdi.
Videotasvirdagi holat 6-oktabr kuni Farg‘ona shahri Kichik halqa yo‘lida xizmat olib borayotgan multiradar mobil kompleksidagi kuzatuv kamerasidan olingan.
Asli marg‘ilonlik ikki nafar aka-uka hech qanday sababsiz maxsus avtomobil oldiga kelib, xizmat o‘tayotgan xodimlarga xalaqit berib, qonuni talabiga bo‘ysunmasdan, jamoat tartibini buzishgan.
“Xodimlar bilan tortishib, noto‘g‘ri ish qildik. Pushaymonman, boshqa qaytarilmaydi. Hammadan uzr so‘raymiz”, — deydi huquqbuzarlar.
Holat yuzasidan R.M. va R.M.ga nisbatan Ma’muriy javobgarlik to‘g‘risidagi kodeksning 183-moddasi va 194-moddasi 1-qismida ko‘rsatilgan jinoyatni sodir etganlikda aybdor deb topilgan. Ularga nisbatan 15 sutka ma’muriy qamoq jazosi tayinlangan.
Izoh (0)