Argentina chempionatining 23-turidan o‘rin olgan “Ximnasiya”—“Boka Xuniors” o‘rtasidagi bahs politsiya harakatlaridan so‘ng sodir bo‘lgan tartibsizliklar tufayli to‘xtatilgan.
Uchrashuv huquq-tartibot idoralari xodimlari tomonidan stadionga kirish joyiga ko‘zdan yosh oqizuvchi gazdan foydalanganidan so‘ng, 9-daqiqadayoq to‘xtatilgan. Politsiya chiptasi bo‘la turib, stadionga kira olmay, g‘azablangan muxlislar oqimini tinchlantirish uchun shunday qilishga qaror qilgan.
Politsiya ko‘zdan yosh oqizuvchi gaz bilan birgalikda rezina o‘qlardan ham foydalangan. Shu tariqa gaz oxir-oqibat futbolchilar, murabbiylar shtabi, hakamlar brigadasi, shuningdek, kirish joyiga eng yaqin tribunada joylashgan muxlislarga ta’sir ko‘rsatgan. Bosh hakam Ernan Mastranxelo o‘yinning 9-daqiqasidayoq hushtak chalib, uchrashuvni to‘xtatishga qaror qilgan.
Politsiyaning ushbu xatti-harakatlari oqibatida bir muxlis halok bo‘lgan. Muxlisning shaxsi allaqachon aniqlangan — u 57 yoshli Sezar Regeyro bo‘lib, stadionga yaqin joyda sodir bo‘lgan voqealar natijasida yurak xuruji tashxisi bilan shifoxonaga olib ketilayotganda vafot etgan.
Izoh (0)