Erling Holand bonuslar evaziga APL uchun rekord darajadagi maosh olmoqda

“Manchester Siti” hujumchisi Erling Holandning maoshi bilan bog‘liq ayrim tafsilotlar ma’lum qilindi.

Daily Mail nashrining xabar qilishicha, norvegiyalik futbolchining Manchester klubidagi haftalik maoshi 865 ming funtni tashkil etmoqda. Holand shartnomada ko‘rsatilgan oson erishiladigan ko‘rsatkichlar evaziga yaxshigina bonus pullariga ega bo‘lmoqda.

Haftasiga 865 ming funt — Premyer Liga futbolchilari uchun rekord maosh. Bu uni APLdagi eng ko‘p maosh oladigan futbolchiga aylantiradi.

Solishtirish uchun, “Manchester Yunayted” forvardi Krishtianu Ronaldu haftasiga 480 ming funt maosh oladi, “Manchester Siti” vakili Kevin de Bryuynening haftalik maoshi 375 ming funtga teng.

Holand joriy mavsum 12 ta o‘yinda ishtirok etib, 19 ta golga mualliflik qildi.

Mavzuga doir:

• Erling Holand Chempionlar Ligasida o‘ziga xos natija qayd etdi
• Pep Gvardiola Holand va Messini o‘zaro solishtirdi
• Ronaldu APLda 232 ta o‘yinda erishgan natijani Erling Holand 8 ta uchrashuvda qayd etdi