“Uning oyog‘ini sindiraman”. “Inter” futbolchisi “Barselona”ga qarshi o‘yindan so‘ng tahdidga uchradi

“Inter” futbolchisi Alessandro Bastoni “Barselona”ga qarshi uchrashuvdan so‘ng (1:0) tahdidga uchradi.

Bu haqida futbolchining rafiqasi ijtimoiy tarmoqlarda ma’lum qildi va pochtaga kelib tushgan bir nechta xatlarni ilova tariqasida joyladi, deya xabar beradi Corierre dello Sport nashri.

Xabarlarning birida: “Turmush o‘rtog‘ingning oyog‘ini sindiraman. Men uylaring atrofidaman. Uni otaman va u ortiq futbol o‘ynay olmaydi”, — degan yozuvlar bo‘lgan.

“Barselona” muxlislarining bunday munosabatiga Bastonining Instagram sahifasiga joylagan surat sabab bo‘lishi mumkin.

Alessandro ijtimoiy tarmoqqa “ko‘k-anorranglilar” futbolchisi Gavini libosidan tortib, maydonda sudrayotgani aks etgan rasmni joylab, “qalb va xarakterning g‘alabasi”, degan yozuvni qoldirgan.

Eslatib o‘tamiz, YCHL guruh bosqichi 3-turdan o‘rin olgan o‘yinda “Inter” “Barselona” ustidan 1:0 hisobida g‘alaba qozondi. C guruhida “nerazzurilar” 6 ochko bilan 2-o‘rinni egallab turgan bo‘lsa, kataloniyaliklar 3 ochko bilan 2-pog‘onani band etgan.

Mavzuga doir:

• “Barselona” Chempionlar Ligasida antirekord qayd etdi
• Xavi “Inter”ga qarshi o‘yindan so‘ng: “Men adolatsizlikdan g‘azabdaman, penalti berilishi kerak edi”