Rossiyaning Sankt-Peterburg shahrida qiyin ahvolda qolgan o‘zbekistonlik ayollarga yordam berildi. Bu haqda Tashqi mehnat migratsiyasi agentligi ma’lum qildi.
O‘zbekistonlik mehnat migrantlari X.Sh. va D.S. Rossiyaga 2022-yil sentabr oyida vaqtinchalik mehnat faoliyatini amalga oshirish uchun borgan. Ammo turli sabablarga ko‘ra, murakkab moliyaviy ahvolda va yashash joyisiz qolib, Tashqi mehnat migratsiyasi agentligining Sankt-Peterburg shahridagi vakilligidan yordam so‘rab murojaat qilgan.
Ular shu kunning o‘zida Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi hisobidan bepul xostelga joylashtirildi.
Izoh (0)