Toshkent shahri bosh rejasining bir qismi 2022-yil oxirigacha yakunlanadi. Bu haqda O‘zA xabar bermoqda.
Ta’kidlanishicha, buni “ToshkentboshplanLiti” DUK direktor o‘rinbosari Saidazim Sharipov ma’lum qilgan.
Bugungi kunda ‘ToshkentboshplanLiti’ DUK tomonidan Toshkent shahri bosh rejasi konsepsiyasi 3D formatda tayyorlanmoqda. Uni yaratish ustida Turkiya kompaniya mutaxassislari ish olib bormoqda. 2022-yilning so‘ngiga qadar bosh rejaning bir qismini tamomlash rejalashtirilgan. Ayni paytda Toshkent shahrining belgilangan chegarasining ichidagi barcha hududlar loyihasi ishlab chiqilmoqda, — dedi Saidazim Sharipov.Uning so‘zlariga ko‘ra, bosh rejada nafaqat Toshkent shahridagi, balki poytaxt atrofidagi hududlarning ham rivojlanishi nazarda tutilib, taxminan 44 ming gektar yer ajratilgan.
Mavzuga doir: Toshkent bosh rejasini 2023-yilgacha ishlab chiqish topshirildi
Izoh (0)