Илон Маск Twitter раҳбариятига махфий мактуб йўллаб, битимни ҳар бир акция учун 54,2 долларлик нархда ёпишни таклиф қилди. Бу ҳақда ахборот манбаларига таяниб Bloomberg хабар бермоқда.
Бу апрель ойида эришилган дастлабки келишувда пайдо бўлган миқдор. Ўшанда Twitter’нинг умумий қиймати 44 миллиард долларга баҳоланган эди.
Бироқ июль ойида Маск компанияни шартномани бекор қилиш нияти ҳақида маълум қилган, чунки у сохта аккаунтлар сони бўйича ҳақиқий маълумотларни ололмаган.
АҚШнинг Делавер штати суди миллиардернинг компанияни сотиб олишдан бош тортгани муносабати билан Twitter’нинг Маскга қарши даъвоси бўйича иш кўришни 17 октябрга белгилаган эди.
Суд жараёнига қарамай, Twitter акциядорлари 13 сентябрь куни бўлиб ўтган навбатдан ташқари йиғилишда Маскнинг компанияни сотиб олиш таклифини маъқуллаган эди.
Овоз бериш натижаларига кўра, акциядорларнинг 98,6 фоизи битимни қўллаб-қувватлаган.
Бу хабар ортидан Tesla акциялари 1,75 фоизга қимматлашди.
Изоҳ (0)