Buxoroda fuqaroni 40 ming dollarga chuv tushirgan shaxsga jinoyat ishi qo‘zg‘atildi
Buxoro viloyatining Romitan tumanida o‘zganing 40 ming dollarini firibgarlik yo‘li bilan qo‘lga kiritgan shaxsga jinoyat ishi qo‘zg‘atildi.
Bosh prokuratura huzuridagi departamentning Buxoro viloyati Romitan tuman bo‘limi tomonidan o‘tkazilgan tergovga qadar tekshiruvida aniqlanishicha, R.H. fuqaro A.ning ishonchiga kirib, unga go‘yoki yuqori lavozimda ishlovchi tanishlari yordamida Buxoro shahri, Alpomish ko‘chasidagi 1 gektar zaxiradagi yer maydonini olib berish va keyinchalik ko‘p qavatli uy-joy qurish uchun hujjatlarni rasmiylashtirib berishni va’da qilgan.
Evaziga uning 40 ming dollarini firibgarlik yo‘li bilan qo‘lga kiritgan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
