Бухорода фуқарони 40 минг долларга чув туширган шахсга жиноят иши қўзғатилди

Бухоро вилоятининг Ромитан туманида ўзганинг 40 минг долларини фирибгарлик йўли билан қўлга киритган шахсга жиноят иши қўзғатилди.

Бош прокуратура ҳузуридаги департаментнинг Бухоро вилояти Ромитан туман бўлими томонидан ўтказилган терговга қадар текширувида аниқланишича, Р.Ҳ. фуқаро А.нинг ишончига кириб, унга гўёки юқори лавозимда ишловчи танишлари ёрдамида Бухоро шаҳри, Алпомиш кўчасидаги 1 гектар захирадаги ер майдонини олиб бериш ва кейинчалик кўп қаватли уй-жой қуриш учун ҳужжатларни расмийлаштириб беришни ваъда қилган.

Эвазига унинг 40 минг долларини фирибгарлик йўли билан қўлга киритган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.