Rossiyaning Volgograd shahrida hujjatlari va oylik maoshlarini ololmagan o‘zbekistonlik muhojirlarga yordam berildi.
Tashqi mehnat migratsiyasi agentligining ma’lum qilishicha, ular agentlikning Volgograd shahridagi vakilligiga O‘zbekiston fuqarolari hujjatlari va oylik maoshlarini olib berilishi bo‘yicha murojaat qilgan. Murojaat yuzasidan ish beruvchi bilan muzokaralar o‘tkazilib, ushbu fuqarolarning pasportlari va 53 ming rubl oylik maoshlari undirib berilgan.
Shuningdek, Agentlikning Volgograd shahridagi vakili Bikovo tumanida ishlayotgan O‘zbekiston fuqarolari bilan uchrashuvlar o‘tkazgan. Uchrashuvlarda fuqarolarning ish sharoitlari o‘rganilib, migratsiya sohasidagi yangi qaror va qonunchilik normalari, chet elda mehnat qilish uchun yaratilayotgan sharoit va qulayliklar to‘g‘risida ma’lumotlar berildi.
Shu bilan birgalikda, Rossiyaning ichki va tashqi siyosatiga aralashmaslik, noqonuniy harakatlar va mitinglarda qatnashish qanday oqibatlarga olib kelishi mumkinligi tushuntirilgan.
Izoh (0)