Хитой компаниялари Европага Америка суюлтирилган газ (LNG) ортилган танкерларини жўнатмоқда ва қитъадаги мамлакатларга қиш олдидан захираларни тўлдиришда ёрдам бермоқда. Бу ҳақда The Wall Street Journal саноат манбалари маълумотларига таянган ҳолда хабар берди.
Нашрнинг маълум қилишича, Хитойда газга бўлган талаб камайгани сабабли, LNG сотиб олиш бўйича АҚШ билан узоқ муддатли шартномалар тузган маҳаллий компаниялар ортиқча хом ашёни сотиб, юзлаб миллион доллар даромад олмоқда.
Жорий йилнинг дастлабки саккиз ойида Хитой портларида бор-йўғи 19 та LNG кемасини қабул қилди. Ўтган йилнинг шу давридаги бундай кемалар сони 133 тани ташкил этган бўлса, уларнинг катта қисми Европа, шунингдек, Япония ва Жанубий Кореядаги харидорларга юборилган.
Газетанинг ҳисоб-китобига кўра, Хитойнинг Европа мамлакатларига LNG етказиб бераётгани бу қишда газ тақчиллигидан қочишга ёрдам бера олмайди.
Хитойнинг газни қайта сотиш бўйича бундай битимлардан оладиган фойдасини аниқ ҳисоблаш қийин: келишувлар хусусийдир.
Компаниялар узоқ муддатли ва олдиндан келишилган шартномалар бўйича сотиб олинган LNGни қайта сотиши ва юклар «кўп қўллардан» ўтиши мумкин.
Изоҳ (0)