“Daryo” nashri 3-oktabrda O‘zbekiston va jahonda sodir bo‘lgan eng muhim voqealarni e’tiboringizga havola etadi.
Ukrainaning NATOga tezlashtirilgan tartibda qo‘shilishiga to‘siq bo‘ladigan sabab ma’lum qilindi
Ukrainaning NATOga kirishi jarayoni kamida bir necha oy yoki hatto bir necha yil davom etishi mumkin, deb yozadi The New York Times gazetasi ekspertlarga tayanib.
NATO “ochiq eshiklar siyosati”ni olib borsa-da Ukrainada harbiy harakatlar davom etayotgan bir paytda, blok uning qo‘shilishiga ruxsat berishi dargumon, deyiladi maqolada.
NYT Shimoliy Atlantika alyansi Vashington shartnomasining 5-moddasida bayon etilgan jamoaviy mudofaa tamoyiliga amal qilishini eslatdi. Unga ko‘ra, blok a’zolaridan biriga qilingan hujum barchaga qilingan hujum deb bilinadi.“Bu (Ukrainaning NATOga kirishi) vaqt talab etadi. Unga qadar Ukraina o‘z ittifoqchilaridan qat’iy xavfsizlik kafolatlariga muhtoj”, — deydi alyans sobiq bosh kotibi Anders Fog Rasmussen.
Yevropaning 4 mamlakati Ukrainaga o‘ziyurar artilleriya qurollarini yetkazib beradi
Yevropaning 4 ta mamlakati: Germaniya, Daniya, Norvegiya va Fransiya Kiyevga artilleriya qurollari bilan harbiy yordam yuboradi. Bu haqda Le Figaro fransuz nashriga tayanib, “Interfaks” xabar berdi.
Xususan, Ukraina qurolli kuchlari tez orada 6 tadan 12 tagacha yangi fransuz “Sezar” o‘ziyurar artilleriya moslamalari bilan ta’minlanadi.Hozirga kelib, Qozog‘istonning Rossiya bilan chegarasidagi tirbandliklar tugamoqda — OAV
Kazinform xabariga ko‘ra, Qozog‘istondan kelayotgan yuk mashinalarining ulkan navbati uch baravardan ko‘proq — yetti-ikki kilometrga qisqargan, chegara punktida navbat kutib turgan taksi haydovchilarining soni ham kamaygan. Ruslar oqimi kuchaygan paytda taksi haydovchilari Uralskka yetkazib qo‘yish uchun 16 ming tenge yoki 35 dollar yo‘l haqi olayotgandi.Ayni vaziyatda Rossiyadagi mehnat muhojirlari harbiy xizmatga majburiy chaqirilishi haqidagi mish-mishlar rad etilgan.
Rossiyaning O‘zbekistondagi elchixonasi fuqarolarni turli provokatsiyalarga berilmaslikka va faqat rasmiy ma’lumotlarga tayanishga chaqirdi.
O‘zbekistonda noqonuniy yer oldi-sotdisi bo‘yicha rekord yangilanmoqda
Korrupsiyaga qarshi kurashish agentligi direktorining matbuot kotibi Durdona Ochilova iyun oyida bergan axborotida 2021-yilning eng ko‘p summadagi poraxo‘rlik jinoyati 2 million dollar, deb keyinroq 200 ming dollarga o‘zgartirilgani haqida xabar bergan edi.
“Daryo”ning agentlik axborot xizmatiga bir necha bor qilgan so‘rovlaridan keyin 4 oy o‘tib, 2021-yilning eng katta poraxo‘rligi haqida juda qisqa ma’lumot taqdim etildi.
Aytilishicha, mazkur poraxo‘rlik jinoyati yer ajratish (oldi-sotdi) bilan bog‘liq hisoblanadi. Lekin agentlik axborot xizmati pora qaysi mansabdorga berilgani va qachon berilgani, ish nima bilan yakun topganiga oydinlik kiritmagan.Joriy 2022-yilda ham noqonuniy yer oldi-sotdisi bo‘yicha bir nechta holatlar qayd etilmoqda. Xususan, iyul oyida Toshkent viloyatida uch holatda: 3 gektar yerni 350 ming dollarga, 4,5 gektar yerni 240 ming dollar va 1 gektar yerni 400 ming dollarga sotmoqchi bo‘lgan shaxslar ushlangan.
Izoh (0)