Бугун,

  • USD 11095.31
  • RUB 173.84
  • EUR 10772.44

«Дарё» нашри 3 октябрда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.

Украинанинг НАТОга тезлаштирилган тартибда қўшилишига тўсиқ бўладиган сабаб маълум қилинди

Украинанинг НАТОга кириши жараёни камида бир неча ой ёки ҳатто бир неча йил давом этиши мумкин, деб ёзади The New York Times газетаси экспертларга таяниб.

НАТО «очиқ эшиклар сиёсати»ни олиб борса-да Украинада ҳарбий ҳаракатлар давом этаётган бир пайтда, блок унинг қўшилишига рухсат бериши даргумон, дейилади мақолада.

NYT Шимолий Атлантика альянси Вашингтон шартномасининг 5-моддасида баён этилган жамоавий мудофаа тамойилига амал қилишини эслатди. Унга кўра, блок аъзоларидан бирига қилинган ҳужум барчага қилинган ҳужум деб билинади.«Бу (Украинанинг НАТОга кириши) вақт талаб этади. Унга қадар Украина ўз иттифоқчиларидан қатъий хавфсизлик кафолатларига муҳтож», — дейди альянс собиқ бош котиби Андерс Фог Расмуссен.

Европанинг 4 мамлакати Украинага ўзиюрар артиллерия қуролларини етказиб беради

Европанинг 4 та мамлакати: Германия, Дания, Норвегия ва Франция Киевга артиллерия қуроллари билан ҳарбий ёрдам юборади. Бу ҳақда Le Figaro француз нашрига таяниб, «Интерфакс» хабар берди.

Хусусан, Украина қуролли кучлари тез орада 6 тадан 12 тагача янги француз «Цезарь» ўзиюрар артиллерия мосламалари билан таъминланади.Ҳозирга келиб, Қозоғистоннинг Россия билан чегарасидаги тирбандликлар тугамоқда — ОАВ

Kazinform хабарига кўра, Қозоғистондан келаётган юк машиналарининг улкан навбати уч баравардан кўпроқ — етти-икки километрга қисқарган, чегара пунктида навбат кутиб турган такси ҳайдовчиларининг сони ҳам камайган. Руслар оқими кучайган пайтда такси ҳайдовчилари Uralsкка етказиб қўйиш учун 16 минг тенге ёки 35 доллар йўл ҳақи олаётганди.Айни вазиятда Россиядаги меҳнат муҳожирлари ҳарбий хизматга мажбурий чақирилиши ҳақидаги миш-мишлар рад этилган.

Россиянинг Ўзбекистондаги элчихонаси фуқароларни турли провокацияларга берилмасликка ва фақат расмий маълумотларга таянишга чақирди.

Ўзбекистонда ноқонуний ер олди-сотдиси бўйича рекорд янгиланмоқда

Коррупцияга қарши курашиш агентлиги директорининг матбуот котиби Дурдона Очилова июнь ойида берган ахборотида 2021 йилнинг энг кўп суммадаги порахўрлик жинояти 2 миллион доллар, деб кейинроқ 200 минг долларга ўзгартирилгани ҳақида хабар берган эди.

«Дарё»нинг агентлик ахборот хизматига бир неча бор қилган сўровларидан кейин 4 ой ўтиб, 2021 йилнинг энг катта порахўрлиги ҳақида жуда қисқа маълумот тақдим этилди.

Айтилишича, мазкур порахўрлик жинояти ер ажратиш (олди-сотди) билан боғлиқ ҳисобланади. Лекин агентлик ахборот хизмати пора қайси мансабдорга берилгани ва қачон берилгани, иш нима билан якун топганига ойдинлик киритмаган.Жорий 2022 йилда ҳам ноқонуний ер олди-сотдиси бўйича бир нечта ҳолатлар қайд этилмоқда. Хусусан, июль ойида Тошкент вилоятида уч ҳолатда: 3 гектар ерни 350 минг долларга, 4,5 гектар ерни 240 минг доллар ва 1 гектар ерни 400 минг долларга сотмоқчи бўлган шахслар ушланган.

Изоҳ
Асосий янгиликлар
Маҳаллий
Тошкентда вояга етмаган бола бошқарувидаги Matiz ҳаракатсиз турган Ladа билан тўқнашди (видео)
Маҳаллий
Ўзбекистонда 4 июнь куни ҳаво ҳарорати 39 даражагача кўтарилади
Маҳаллий
Шавкат Мирзиёев Туркия президентининг инаугурация маросимида иштирок этади