Farg‘ona viloyatida ikki nafar IIB xodimi fuqaroni avvaliga bo‘g‘ib, so‘ngra tepkilagani ko‘ringan video tarqalgandi. Ichki ishlar vazirligi axborot xizmati rahbari Shohrux G‘iyosovning ma’lumot berishicha, voqea yuzasidan sud qarori ham chiqqan.
Ijtimoiy tarmoqlarda tarqalayotgan videotasvir 2021-yilning 14-iyul kuni Farg‘ona shahar ichki ishlar bo‘limida sodir etilgan bo‘lib, holat yuzasidan prokuratura organlari tomonidan Jinoyat kodeksining 206-moddasi 1-qismi (hokimiyat yoki mansab vakolati doirasidan chetga chiqish, ya’ni davlat organi, davlat ishtirokidagi tashkilot yoki fuqarolarning o‘zini o‘zi boshqarish organi mansabdor shaxsining o‘ziga qonun bilan berilgan vakolatlar doirasidan chetga chiqadigan harakatlarni qasddan sodir etishi, fuqarolarning huquqlariga yoki qonun bilan qo‘riqlanadigan manfaatlariga yoxud davlat yoki jamoat manfaatlariga ko‘p miqdorda zarar yoxud jiddiy ziyon yetkazilishiga sabab bo‘lsa) bilan jinoyat ishi qo‘zg‘atilgan hamda 2021-yil 2-dekabrda mazmunan ko‘rib chiqish uchun sud organlariga yuborilgan.Qo‘shimcha qilinishicha, mazkur jinoyat ishi 2022-yilning 23-avgust kuni Jinoyat ishlari bo‘yicha Farg‘ona viloyati sudida apellyatsiya tartibida ko‘rib chiqilib, xodimlarning harakatlarida jinoyat alomatlari yo‘q deb topilgan va oqlov hukmi chiqarilgan.Shohrux G‘iyosov, Ichki ishlar vazirligi axborot xizmati rahbari
Izoh (2)
Шундай куриниб туриптику ИИБ ходими очикдан очик ураётгани кимни алдашяпти суд ходимлари
Assalomu aleykum. Qanaqa odil sud diysh munkun bu qattiq xarakatlarni qilgan xodimlarga sudiyani bu yaramas ikkalaxodimlarni farzandlarni shunday uldirshga urunsa qanday tasavur qlarkan uzlarni. men Uznekiston respublkasi fuqorosi bu sud xlasasdan norman.