Qamchiq dovonida 28-sentabr kuni yuk mashinasida yong‘in sodir bo‘lgani haqida xabar berilgan edi. Favqulodda vaziyatlar vazirligi dovonda sodir bo‘lgan yong‘in yuzasidan qo‘shimcha ma’lumot e’lon qildi.
Qayd etilishicha, soat 18:34 da A-373 avtomobil yo‘lining 256-kilometrida Toshkent–vodiy yo‘nalishda harakatlangan yuk avtomashinasida yong‘in sodir bo‘lgan.
Shunga ko‘ra, zudlik bilan 3 ta yong‘in-qutqaruv ekipaji voqea joyiga yetib borgan va yong‘inga soat 19:24 da bartaraf etilgan. Hozirda yong‘in sababi va moddiy zarar miqdori aniqlanmoqda. Hodisa oqibatida tan jarohati olish va halok bo‘lish holatlari qayd etilmagan.
Izoh (0)