Rossiyaning Sankt-Peterburg shahridagi qurilish obyektlarida vaqtincha ishlayotgan bir guruh o‘zbekistonliklar pasporti ish beruvchi tomonidan olib qo‘yilgani aniqlandi.
Tashqi mehnat migratsiyasi agentligi matbuot xizmatining ma’lum qilishicha, ishchilar bu haqda agentlikning Sankt-Peterburgdagi vakilligiga murojaat qilib, yordam so‘radi.
Muammoga oydinlik kiritish maqsadida ish beruvchi bilan suhbat o‘tkazilib, Rossiyaning amaldagi qonunchiligi asosida javobgarlikka tortilishi haqida ogohlantirilgan va fuqarolarning pasportlari o‘zlariga qaytib berildi.
Shuningdek, fuqarolarga Rossiya hamda O‘zbekiston qonunchiligini buzmaslik, ommaviy namoyishlarda ishtirok etmaslik hamda turli va’dalarga uchmaslik yuzasidan targ‘ibot-tashviqot ishlari olib borilgan.
Sentabr oyining o‘rtalarida ham Rossiyada ishlayotgan 19 nafar O‘zbekiston fuqarosining pasportlari olib qo‘yilgani aniqlangandi. Shuningdek, ular o‘rmon xo‘jaligida majburan ishlatilib, huquqlari buzilgandi.
Izoh (0)