Qamchiq dovonida 28-sentabr kuni yuk mashinasida yong‘in sodir bo‘ldi. Bu haqda Favqulodda vaziyatlar vazirligi xabar bermoqda.
Qayd etilishicha, soat 18:34 da A-373 avtomobil yo‘lining 256-kilometri — Qamchiq dovoni qismida Toshkent–vodiy yo‘nalishda harakatlanib ketayotgan yuk avtomashinasida yong‘in sodir bo‘lgani to‘g‘risida “Qamchiq” maxsus qidiruv, yong‘in-qutqaruv boshqarmasiga xabar kelib tushgan.
Zudlik bilan voqea joyiga maxsus qidiruv, yong‘in-qutqaruv boshqarmasi qutqaruvchilari, 2 ta yong‘in-qutqaruv ekipaji yetib borgan. Hozirda yong‘in bartaraf etilmoqda. Vaziyat nazoratga olingan. Hodisa oqibatida tan jarohati olish va halok bo‘lish holatlari qayd etilmadi.
Izoh (0)