Ўзбекистонга 2022 йилнинг январь—август ойларида хориждан қиймати 123 млн долларга тенг бўлган 1,9 млн дона мобил телефон импорт қилинган. Бу ҳақда Давлат статистика қўмитаси хабар бермоқда.
Телефон импорти ўтган йилнинг шу даврига нисбатан 300 мингтага кўпайган. Август ойининг ўзида 400 мингтадан ортиқ телефон олиб келинган.
Ўзбекистон 13 та давлатдан телефон импорт қилган.
Ўзбекистон 8 ой мобайнида мобил телефонларни энг кўп импорт қилган давлатлар орасида Хитой етакчилик қилмоқда — 1,4 млн дона. БАА эса бу борада 239 минг дона билан иккинчи ўринни эгаллади.
Учинчи ўринда Вьетнам қайд этилган — 148 мингта. Кейинги ўринларни эса Ҳиндистон (127 минг дона), Қозоғистон (25 минг дона) ва Корея (2,1 минг дона) эгаллади.
Аввалроқ Хитойда мобил телефон ишлаб чиқариш 2022 йилда камайгани ҳақида хабар берилган эди.
Изоҳ (0)