Iqtisodiy taraqqiyot va kambag‘allikni qisqartirish vazirligi tomonidan prezidentning “Tadbirkorlik faoliyatini yanada qo‘llab-quvvatlash bo‘yicha qo‘shimcha chora-tadbirlar to‘g‘risida”gi qarori loyihasi muhokama uchun joylashtirildi.
Hujjatga ko‘ra, hududlarda tadbirkorlikni qo‘llab-quvvatlash maqsadida Tadbirkorlar kengashi faoliyatini muvofiqlashtiruvchi Respublika komissiyasi, Qoraqalpog‘iston Vazirlar kengashi, viloyatlar va Toshkent shahar hamda tuman (shahar) hokimliklari huzurida Tadbirkorlar kengashini tashkil etish rejalashtirilmoqda.
Qaror bilan quyidagilar tasdiqlanadi:
- Tadbirkorlar kengashi faoliyatini muvofiqlashtiruvchi Respublika komissiyasi tarkibi;
- kengashning asosiy vazifalari, huquqlari va javobgarligi, Kengash tarkibini shakllantirish, faoliyatini tashkil etish va uning majlisini o‘tkazish tartibini nazarda tutuvchi Tadbirkorlar kengashi to‘g‘risidagi namunaviy nizom.
- tadbirkorlikni rivojlantirish sohasidagi qonunchilik hujjatlari ijrosi ta’minlanishini nazorat qilish;
- tadbirkorlik faoliyatining rivojlanishi holatini va uning davlat tomonidan qo‘llab-quvvatlanishi tizimini tahlil qilish;
- tadbirkorlik faoliyatini qo‘llab-quvvatlash bo‘yicha NHHlar loyihalarini ishlab chiqish zaruriyatini ko‘rib chiqish;
- tadbirkorlik subyektlarining infratuzilmasini rivojlantirishga ko‘maklashish;
- mahalliy ishlab chiqaruvchilarni qo‘llab-quvvatlash va eksportni rivojlantirish bo‘yicha chora-tadbirlarni belgilash.
Shu bilan birga, har chorak yakuni bo‘yicha bir marotaba amalga oshirgan ishlari yuzasidan respublika komissiyasiga hamda xalq deputatlari tuman (shahar) kengashiga hisobot berib boradi.
Kengashga Qoraqalpog‘iston Respublikasi Vazirlar Kengashi raisi, viloyatlar va Toshkent shahar hamda tumanlar (shaharlar) hokimlari raislik qiladi hamda kengashning faoliyatini samarali tashkil etishga shaxsan javobgar hisoblanadi.
Mavzuga doir: O‘zbekistonda tadbirkorlar uchun yangi o‘quv dasturi ishga tushirildi
Izoh (0)