Shavkat Mirziyoyev Nurafshon shahrida Xalq deputatlari Toshkent viloyati kengashining sessiyasida ishtirok etdi. Unda tashkiliy masala — viloyatga hokim tayinlash mavzusi ko‘tarildi, deb xabar bermoqda “Daryo” muxbiri.
Qayd etilishicha, davlat rahbari hozirda Toshkent viloyati hokimi vazifasini bajaruvchi Zoir Mirzayev nomzodini ilgari surdi. Nomzod viloyatda sanoatni rivojlantirish bo‘yicha taklif va rejalarini bayon qildi.
Nomzod o‘z taqdimotida infratuzilmani rivojlantirish masalalariga to‘xtaldi.
Aytilgan muammo va takliflardan kelib chiqib, davlat rahbari 840 ta mahallada ichki yo‘llar, 579 tasida ichimlik va oqova suv, 589 tasida elektr va gaz ta’minoti, 396 tasida maktab, bog‘cha va poliklinika ta’mirlash bo‘yicha ikki haftada dastur qabul qilib, bu boradagi ishlarni jadal boshlash vazifasini qo‘ydi. Jumladan:
- Tashabbusli budjet doirasida eng ko‘p ovoz olgan loyihalar uchun 150 milliard so‘m ajratish;
- Osiyo taraqqiyot bankining Toshkent viloyatida ichimlik va oqova suv loyihasining 185 million dollarlik 3-bosqichini boshlash;
- ichki yo‘llarni ta’mirlashga davlat budjetidan 155 milliard so‘m, qo‘shimcha mahalliy budjetdan 70 milliard so‘m ajratish topshirildi.
Izoh (0)