Farg‘ona aeroportida yo‘lovchining 11 dona tulki mo‘ynasini yashirincha olib o‘tishga urinishi naf bermadi. Bu haqda “Daryo”ga viloyat bojxona boshqarmasi axborot xizmati ma’lum qildi.
Qayd etilishicha, xorijdan aviareys bilan uchib kelgan fuqaro Z.A.ning harakatlari viloyat bojxona boshqarmasi “Farg‘ona aeroporti” chegara bojxona posti xodimlarida shubha uyg‘otgan. Shu sababdan, “yashil yo‘lak” orqali harakatlanayotgan ushbu fuqaro qizil yo‘lakka yo‘naltirilib, unga tegishli qo‘l yuklari bojxona nazoratidan o‘tkazilgan. Natijada fuqaroning qo‘l yuklari orasida bojxona xodimining og‘zaki so‘rovida ma’lum qilinmagan hamda yo‘lovchi bojxona deklaratsiyasida qayd etilmagan 11 dona tabiiy tulki mo‘ynalari borligi aniqlangan.
Hozirda mazkur holat yuzasidan bojxona organlari tomonidan surishtiruv harakatlari olib borilmoqda.
Izoh (0)