Shavkat Mirziyoyev Nurafshon shahrida Xalq deputatlari Toshkent viloyati kengashining sessiyasida ishtirok etdi. Unda tashkiliy masala — viloyatga hokim tayinlash mavzusi ko‘tarildi, deb xabar bermoqda “Daryo” muxbiri.
Qayd etilishicha, davlat rahbari hozirda Toshkent viloyati hokimi vazifasini bajaruvchi Zoir Mirzayev nomzodini ilgari surgan. Nomzod viloyatda sanoatni rivojlantirish bo‘yicha taklif va rejalarini bayon qilgan.
Davlat rahbari bor imkoniyatlardan samarali foydalansa, viloyatda sanoatni mutlaqo yangi bosqichga olib chiqish mumkinligini qayd etgan.
Mutasaddilarga:
- sanoat zonalarini infratuzilma bilan ta’minlashga 250 milliard so‘m ajratish;
- Angrenda kaolin xom-ashyosini chuqur qayta ishlab, farfor va keramika mahsulotlari ishlab chiqarish klasterini tashkil etish;
- Bekobod tumanida chegara oldi savdo zonasini ishga tushirish;
- viloyatdagi 100 ta mahalliy korxonani eksportchiga aylantirish dasturini amalga oshirish bo‘yicha topshiriqlar berilgan.
Izoh (0)