Шавкат Мирзиёев Нурафшон шаҳрида Халқ депутатлари Тошкент вилояти кенгашининг сессиясида иштирок этди. Унда ташкилий масала — вилоятга ҳоким тайинлаш мавзуси кўтарилди, деб хабар бермоқда «Дарё» мухбири.
Қайд этилишича, давлат раҳбари ҳозирда Тошкент вилояти ҳокими вазифасини бажарувчи Зоир Мирзаев номзодини илгари сурди. Номзод вилоятда саноатни ривожлантириш бўйича таклиф ва режаларини баён қилди.
Номзод ўз тақдимотида инфратузилмани ривожлантириш масалаларига тўхталди.
Айтилган муаммо ва таклифлардан келиб чиқиб, давлат раҳбари 840 та маҳаллада ички йўллар, 579 тасида ичимлик ва оқова сув, 589 тасида электр ва газ таъминоти, 396 тасида мактаб, боғча ва поликлиника таъмирлаш бўйича икки ҳафтада дастур қабул қилиб, бу борадаги ишларни жадал бошлаш вазифасини қўйди. Жумладан:
- Ташаббусли бюджет доирасида энг кўп овоз олган лойиҳалар учун 150 миллиард сўм ажратиш;
- Осиё тараққиёт банкининг Тошкент вилоятида ичимлик ва оқова сув лойиҳасининг 185 миллион долларлик 3-босқичини бошлаш;
- ички йўлларни таъмирлашга давлат бюджетидан 155 миллиард сўм, қўшимча маҳаллий бюджетдан 70 миллиард сўм ажратиш топширилди.
Изоҳ (0)