Jizzaxda 14 tup daraxt noqonuniy kesilganiga jarima qo‘llamaslik evaziga pora olgan o‘rmon noziri ushlandi

Jizzaxda davlat o‘rmon xo‘jaligi boshqarmasi o‘rmon noziri pora bilan qo‘lga tushdi. Bu haqda Bosh prokuratura huzuridagi departament xabar berdi.

Departament hamda DXXning Jizzax viloyati boshqarmalari tomonidan o‘tkazilgan tezkor tadbirda, Jizzax davlat o‘rmon xo‘jaligi boshqarmasi o‘rmon noziri R.M. fuqaro U.dan unga bog‘dorchilik uchun ijaraga berilgan yer maydonida 14 dona terak va qayrag‘och daraxtlari noqonuniy kesilgani holati yuzasidan jarima qo‘llamaslik evaziga 3 million so‘m pora talab qilib olgan vaqtida ashyoviy dalillar bilan ushlangan.

Holat yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir: Gulistondagi istirohat bog‘ida bir nechta daraxtlar kesilgani aniqlandi