Жиззахда давлат ўрмон хўжалиги бошқармаси ўрмон нозири пора билан қўлга тушди. Бу ҳақда Бош прокуратура ҳузуридаги департамент хабар берди.
Департамент ҳамда ДХХнинг Жиззах вилояти бошқармалари томонидан ўтказилган тезкор тадбирда, Жиззах давлат ўрмон хўжалиги бошқармаси ўрмон нозири Р.М. фуқаро У.дан унга боғдорчилик учун ижарага берилган ер майдонида 14 дона терак ва қайрағоч дарахтлари ноқонуний кесилгани ҳолати юзасидан жарима қўлламаслик эвазига 3 миллион сўм пора талаб қилиб олган вақтида ашёвий далиллар билан ушланган.
Ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир: Гулистондаги истироҳат боғида бир нечта дарахтлар кесилгани аниқланди
Изоҳ (0)