Xarkovda qoldirib ketilgan rus texnikalari, minalangan turar joylar. Urushning 209-kunidan fotoreportaj
Sentabr oyi boshida Xarkov viloyatidagi muvaffaqiyatli qarshi hujum natijasida Ukraina qo‘shinlari mintaqadagi uchta viloyat markazini (Balakleya, Izyum va katta temiryo‘l uzyeli bo‘lgan Kupyansk markazi) hamda taxminan 2500 kvadrat kilometr maydondagi bir necha o‘nlab aholi punktlarini ozod qilgan, shuningdek, sharqdagi frontni Oskol daryosiga surgan edi. Chekinayotgan Rossiya qo‘shinlari nafaqat shikastlangan, balki butun zirhli texnikalarni va tonnalab o‘q-dorilarni tashlab ketgan. Aholi ozod qilingan hududlarga qaytmoqda. Yarim yil ishg‘ol ostida yashaganlar esa bu vaqt davomida dunyodan deyarli uzilib qolgan edi — faqatgina hozir ular Ukrainaning boshqa hududlarida nimalar bo‘layotganini bilmoqda. Meduza urushning 209-kunida Xarkov viloyatidan olingan fotosuratlarni taqdim qildi.
Izyumdan o‘tgan Severskiy Donets daryosi ustidagi ko‘prik, u mart oyi boshida Ukraina qo‘shinlari tomonidan portlatilgan. 1-apreldan 11-sentabrgacha shahar Rossiya ishg‘oli ostida edi. Ukraina Qurolli Kuchlarining Xarkov viloyatidagi keng ko‘lamli qarshi hujumi natijasida Izyum ozod qilindi.Foto: AP Photo
Xarkov viloyati Supovka qishlog‘ida yashovchi Valeriy Balandyuk ishg‘ol paytida nobud bo‘lgan itini ko‘mmoqda. Balandyuk ozod qilingan qishlog‘iga bir necha kun oldin qaytgan.Foto: AFP
Ozod qilingan Izyum aholisi qishda uylarini isitish uchun o‘tin g‘amlamoqda.Foto: Reuters
Izyumliklar pochtaxonada Ukrainaning boshqa mintaqalaridagi qarindoshlaridan kelgan posilkalarni olmoqda. Bosqinchilik davrida shahar dunyoning qolgan qismidan deyarli uzilib qolgan edi.Foto: AP Photo
Ukraina Qurolli kuchlari Kupyansk ko‘chalarida patrullik qilmoqda. Bu shahar Xarkov viloyatidagi eng muhim temir yo‘l uzyeli bo‘lib, u orqali viloyatidagi ishg‘olchi qo‘shinlarga ta’minot yetkazilgan. 12-sentabr kuni Ukraina harbiylari shaharning g‘arbiy qismidagi Kupyansk markazini egallab oldi, 18-sentabrga kelib rus harbiylari markazdan Oskol daryosi bilan ajratilgan Kupyanskning sharqiy yarmidan chekingani haqida ma’lumot paydo bo‘ldi. Bu ma’lumot rasman tasdiqlanmagan.Foto: Anadolu
Yaqinda ozod qilingan Izyumdagi turar joy binosi yoniga o‘rnatilgan belgida “Mina” yozuvi.Foto: “Ukrinform”
Ukraina Milliy gvardiyasi sapyori Xarkov shimolidagi qishloq yo‘lini tekshirmoqda. Rus qo‘shinlari bu yerdan chekingan edi.Foto: AFP
Ukraina qurolli kuchlari askarlari Xarkovdan shimolga chekinayotgan rossiyalik harbiylar tashlab ketgan tankni ko‘zdan kechirmoqda.Foto: AFP
Ukraina armiyasi askarlari rossiyalik harbiylarning pozitsiyalarida majaqlangan va tashlab ketilgan texnikalarni tekshirmoqda.Foto: AFP
Ozod qilingan Xarkov viloyatida ukrainalik harbiylar halok bo‘lgan odamning jasadini olib ketmoqda.Foto: AP Photo
Xarkov viloyatining okkupatsiyadan ozod qilingan Prudyanka posyolkasi yaqinidagi dalada vayron qilingan yengil avtomobil.Foto: AFP
Izyum tumanidagi frontning old chizig‘idan ko‘tarilgan tutun.Foto: Reuters
Izoh (0)