Сентябрь ойи бошида Харьков вилоятидаги муваффақиятли қарши ҳужум натижасида Украина қўшинлари минтақадаги учта вилоят марказини (Балаклея, Изюм ва катта темир йўл узели бўлган Купянск маркази) ҳамда тахминан 2500 квадрат километр майдондаги бир неча ўнлаб аҳоли пунктларини озод қилган, шунингдек, шарқдаги фронтни Оскол дарёсига сурган эди. Чекинаётган Россия қўшинлари нафақат шикастланган, балки бутун зирҳли техникаларни ва тонналаб ўқ-дориларни ташлаб кетган. Аҳоли озод қилинган ҳудудларга қайтмоқда. Ярим йил ишғол остида яшаганлар эса бу вақт давомида дунёдан деярли узилиб қолган эди — фақатгина ҳозир улар Украинанинг бошқа ҳудудларида нималар бўлаётганини билмоқда. Meduza урушнинг 209-кунида Харьков вилоятидан олинган фотосуратларни тақдим қилди.
Изюмдан ўтган Северский Донец дарёси устидаги кўприк, у март ойи бошида Украина қўшинлари томонидан портлатилган. 1 апрелдан 11 сентябргача шаҳар Россия ишғоли остида эди. Украина Қуролли Кучларининг Харьков вилоятидаги кенг кўламли қарши ҳужуми натижасида Изюм озод қилинди.Фото: AP Photo
Харьков вилояти Суповка қишлоғида яшовчи Валерий Баландюк ишғол пайтида нобуд бўлган итини кўммоқда. Баландюк озод қилинган қишлоғига бир неча кун олдин қайтган.Фото: AFP
Изюмликлар почтахонада Украинанинг бошқа минтақаларидаги қариндошларидан келган посилкаларни олмоқда. Босқинчилик даврида шаҳар дунёнинг қолган қисмидан деярли узилиб қолган эди.Фото: AP Photo
Украина Қуролли кучлари Купянск кўчаларида патруллик қилмоқда. Бу шаҳар Харьков вилоятидаги энг муҳим темир йўл узели бўлиб, у орқали вилоятидаги ишғолчи қўшинларга таъминот етказилган. 12 сентябрь куни Украина ҳарбийлари шаҳарнинг ғарбий қисмидаги Купянск марказини эгаллаб олди, 18 сентябрга келиб рус ҳарбийлари марказдан Оскол дарёси билан ажратилган Купянскнинг шарқий ярмидан чекингани ҳақида маълумот пайдо бўлди. Бу маълумот расман тасдиқланмаган.Фото: Anadolu
Изоҳ (0)