Toshkent viloyatidagi qadimiy qabrdan III–IV asrlarga oid topilma topildi

Toshkent viloyati Yangiyo‘l tumanida III–IV asrga oid topilma aniqlandi. Bu haqda Madaniy meros agentligi xabar bermoqda.

Qayd etilishicha, ushbu eksponat Yangiyo‘l tumanida joylashgan xonadonlardan biridagi qadimiy qabrdan topilgan.

Qabr “Qovunchi” madaniyatiga oid bo‘lib, milodiy III–IV asrlarga qadar bo‘lgan davrga tegishli. Qabrdan shu davrda yashagan odam suyak qoldiqlari, 1 ta skelet va 9 xil turli hajm va shakldagi sopol buyumlar topilgan. E’tiborli tomoni, ko‘zalardan faqat 1 donasi siniq holatda bo‘lib, qolgani nisbatan yaxshi saqlangan. Shuningdek, qabrdan 1 dona ayollar munchog‘i ham qazib olingan. Ayni vaqtda topilma Yangiyo‘l shahri Usmon Yusupov uy muzeyida saqlanmoqda.

Mavzuga doir: Toshkent viloyatida XVI–XVII asrlarga oid mis tangalar topildi