“Daryo” nashri 21-sentabrda O‘zbekiston va jahonda sodir bo‘lgan eng muhim voqealarni e’tiboringizga havola etadi.
Putin Rossiyada qisman safarbarlik e’lon qildi
Rossiya prezidenti Vladimir Putin Rossiyada qisman safarbarlik e’lon qilish haqidagi farmonni imzoladiUning aytishicha, muddatli harbiy xizmatga faqat hozirda zaxirada bo‘lganlar, birinchi navbatda, Qurolli kuchlar safida muddatli harbiy xizmatni o‘tagan, muayyan harbiy mutaxassislik va tegishli tajribaga ega bo‘lgan fuqarolargina chaqiriladi. Shuningdek ular bo‘linmalarga jo‘natilishdan oldin “maxsus harbiy operatsiya” uchun qo‘shimcha harbiy tayyorgarlikdan o‘tadi.
Safarbarlik tadbirlari 21-sentabr kuni boshlanadi. Rossiya mudofaa vaziri Sergey Shoyguning aytishicha, qisman safarbarlik chog‘ida 300 ming zaxiradagi askar chaqiriladi.
Rossiyada qisman safarbarlik e’lon qilingach, Moskvadan Istanbul, Toshkent va Tbilisiga chiptalar tezlikda sotilib ketdi. Ushbu e’londan so‘ng mamlakat fond bozori quladi. hozirda safarbarlikka qarshi petitsiyani o‘n minglab odamlar imzoladi. Ushbu e’londan so‘ng mamlakat fond bozori quladi.
Migratsiya agentligi va bosh prokuratura Rossiyadagi o‘zbekistonliklarga murojaat bilan chiqdi
Tashqi mehnat migratsiyasi agentligi Rossiyada bo‘lib turgan O‘zbekiston fuqarolariga murojaat bilan chiqdi. Qayd etilishicha, ijtimoiy tarmoqlarda Rossiya Federatsiyasi hududlarida davlat rasman ruxsat bermagan ommaviy namoyishlar o‘tkazilishi rejalashtirilayotgani haqida turli xabarlar tarqalmoqda.
Shu munosabat bilan Tashqi mehnat migratsiyasi agentligi ushbu davlatda bo‘lib turgan O‘zbekiston fuqarolaridan bunday ommaviy namoyishlarda ishtirok etmaslikni, Rossiya Federatsiyasi qonunlariga rioya etishni va odamlar ko‘p to‘planayotgan joylarga bormaslikni so‘raydi. Qolaversa, Bosh prokuratura Rossiyadagi o‘zbekistonliklarni harbiy harakatlarga qo‘shilmaslikka chaqirdi
O‘zga davlat hududida uning tarafini olib qurolli to‘qnashuvda yoxud harbiy harakatlarda qatnashish uchun yollanish besh yildan o‘n yilgacha ozodlikdan mahrum qilish bilan jazolanadi.
Oq uy Donbassdagi referendumlarni suverenitet tamoyillarini haqorat qilish deb hisobladi
AQSH, Polsha, Germaniya, Fransiya, Estoniya Donbass, Xerson va Zaporojyening Rossiya tarkibiga kirishi bo‘yicha referendumlarni tan olmasligini e’lon qildi, deya xabar beradi “RBK”.
AQSHning Milliy xavfsizlik bo‘yicha maslahatchisi Jeyk Sallivanning aytishicha: AQSH Ukraina hududlarining bir qismini Rossiyaga qo‘shib olishga urinishni hech qachon tan olmaydiDonetsk va Lugansk xalq respublikalarida, shuningdek, Moskva nazoratidagi Xerson va Zaporojye viloyatlarida Rossiyaga qo‘shilish bo‘yicha referendumlar o‘tkazish unga “muzokaralar stolida qo‘shimcha ustunlik bermaydi. Bu referendumlar suverenitet va hududiy yaxlitlik tamoyillarini haqorat qilishdir.AQSH prezidenti yordamchisining qo‘shimcha qilishicha, keyinroq Amerika yetakchisi Jo Bayden BMT Bosh assambleyasidagi nutqi chog‘ida jahon hamjamiyatini Rossiyaning Ukrainadagi harakatlariga qarshilik ko‘rsatishga chaqiradi.
Izoh (0)