Qashqadaryoda mast fuqaro bilan urushgan hokim o‘rinbosari javobgarlikka tortildi. Bu haqda viloyat IIB axborot xizmati xabar berdi.
Aniqlanishicha, fuqaro bilan urushgan mas’ul Yakkabog‘ tumani hokimining qurilish masalalari bo‘yicha o‘rinbosari Dilshod Mengboyev hisoblanadi.
2022-yil 10-avgust kuni soat taxminan 23:00 larda Yakkabog‘ tumani “Istiqlol” dehqon bozori atrofida tuman hokimining qurilish masalalari bo‘yicha o‘rinbosari D.M. qurilishlarni ko‘zdan kechirib yurganda, fuqaro N.T. uning yoniga kelgan va ular hech bir sababsiz tortishib qolgan.Mazkur holat yuzasidan Yakkabog‘ tuman IIB xodimlari tomonidan surishtiruv ishlari olib borilganda D.M va N.T.larning harakatlarida ma’muriy huquqbuzarlik alomatlari borligi sababli ularga nisbatan ma’muriy javobgarlik to‘g‘risidagi kodeksning tegishli moddalariga asosan ma’muriy bayonnoma rasmiylashtirilib, to‘plangan hujjatlar jinoyat ishlari bo‘yicha Yakkabog‘ tuman sudiga yuborilgan”, — deyiladi viloyat IIB rasmiy axborotida.
Izoh (0)