Turkmaniston—Eron chegarasidagi Bajgiran nazorat-o‘tkazish punkti faoliyati tiklangani munosabati bilan turkmanistonlik xususiy tadbirkorlar yana mamlakatga Eron tovarlarini olib kirishni boshladi, deb xabar bermoqda “Xronika Turkmenistana” muxbirlari.
Shuningdek, tadbirkorlar vaqti-vaqti bilan koronavirus uchun test topshirishi kerak. Tibbiy sug‘urtasi bo‘lgan fuqarolar buning uchun 60 manat (187 ming so‘m), qolganlar 120 manat (375 ming so‘m) to‘laydi.
Pandemiyadan oldin odamlar Erondan ko‘pincha oziq-ovqat olib kelishgan — alkogolsiz ichimliklar, qandolat mahsulotlari, sariyog‘ va eritilgan yog‘. Biroq endi u yerdan oziq-ovqat mahsulotlarini import qilish taqiqlangan. Faqat kir yuvish va gigiyena vositalari, plastik idishlar va kiyimlar olib kelish mumkin.
“Xarajatlarni hisobga olsak, bu tovarlardan ko‘p daromad olmaysiz. Faqat kunlik ehtiyojlaringizni qoplaydi”, — deydi tadbirkorlardan biri.
Sentabr oyi boshidan Eron bilan chegara ochilganiga qaramay, Ashxobod bozorlarida bir kilogramm meva-sabzavot narxi o‘rtacha 2-3 manatga (6-9 ming so‘m) qimmatlashgan.
Izoh (0)