Tojikiston bilan ziddiyat oqibatida Qirg‘izistonga yetgan zarar, dastlabki ma’lumotlarga ko‘ra, 1,5 milliard som (18,5 million dollar)ni tashkil qilgan. Bu haqda mamlakat Xavfsizlik kengashi kotibi Marat Imanqulov matbuot anjumanida aytib o‘tdi, deb yozadi “24.kg”.
Uning so‘zlariga ko‘ra, ushbu summa o‘sishi mumkin.
“Ikki hafta davomida Ak-Suu daryosidagi ko‘prikni qurib bitiramiz. Elektr uzatish liniyalari, uyali aloqa operattorlari retranslyatorlari qayta tiklanmoqda. Prezident Botken viloyatidagi nizo chog‘ida vayron bo‘lgan infratuzilmani qayta tiklash haqida farmon imzoladi. Agressor tomonidan yetkazilgan zararni aniqlash bo‘yicha komissiya tuzildi. Dastlabki ma’lumotlarga ko‘ra, moddiy zarar qiymati 1,5 milliard somga teng bo‘ldi”, — dedi Marat Imanqulov.
Avvalroq Marat Imanqulov Tojikiston bilan chegaradagi mojaroda ekstremistik guruhlar ishtirok etayotgan bo‘lishi mumkinligini ma’lum qilgandi.
Qirg‘iziston va Tojikiston o‘rtasidagi munosabatlar o‘tgan hafta keskinlashgan bo‘lib, davlatlar bir-birini o‘t ochishni to‘xtatish rejimini buzganlikda ayblagan va chegara qishloqlari o‘qqa tutilgani haqida xabar berilgan edi. Botken viloyatining Botken va Leylek viloyatlari va Qirg‘izistonning O‘sh viloyatining bir qismi, shuningdek, So‘g‘d viloyatining Isfara va G‘ofurov viloyatlarining bir qismi hamda Tojikistonning Laxsh viloyatida ham to‘qnashuvlar qayd etilgan. Botken viloyatida favqulodda holat rejimi ham joriy etilgan edi. Vaziyat avj olish vaqtlarda tomonlar o‘t ochishni to‘xtatishga bir necha bor kelishib olishgan, biroq kelishuvlarga rioya qilinmagan.
19-sentabr kuni kechqurun Qirg‘iziston va Tojikiston chegaradagi vaziyatni barqarorlashtirish va ikki davlat o‘rtasida tinchlik o‘rnatish to‘g‘risida protokol imzoladi.
Mavzuga doir:
Izoh (0)