Туркманистон—Эрон чегарасидаги Бажгиран назорат-ўтказиш пункти фаолияти тиклангани муносабати билан туркманистонлик хусусий тадбиркорлар яна мамлакатга Эрон товарларини олиб киришни бошлади, деб хабар бермоқда «Хроника Туркменистана» мухбирлари.
Шунингдек, тадбиркорлар вақти-вақти билан коронавирус учун тест топшириши керак. Тиббий суғуртаси бўлган фуқаролар бунинг учун 60 манат (187 минг сўм), қолганлар 120 манат (375 минг сўм) тўлайди.
Пандемиядан олдин одамлар Эрондан кўпинча озиқ-овқат олиб келишган — алкоголсиз ичимликлар, қандолат маҳсулотлари, сариёғ ва эритилган ёғ. Бироқ энди у ердан озиқ-овқат маҳсулотларини импорт қилиш тақиқланган. Фақат кир ювиш ва гигиена воситалари, пластик идишлар ва кийимлар олиб келиш мумкин.
«Харажатларни ҳисобга олсак, бу товарлардан кўп даромад олмайсиз. Фақат кунлик эҳтиёжларингизни қоплайди», — дейди тадбиркорлардан бири.
Сентябрь ойи бошидан Эрон билан чегара очилганига қарамай, Ашхобод бозорларида бир килограмм мева-сабзавот нархи ўртача 2-3 манатга (6-9 минг сўм) қимматлашган.
Изоҳ (0)