Donetsk xalq respublikasi jamoatchilik palatasi DXR rahbari Denis Pushilin va xalq kengashiga Rossiya tarkibiga qo‘shilish bo‘yicha referendum o‘tkazish tashabbusi bilan murojaat tayyorladi, deb yozadi “RBK”. Palata a’zolari bu tashabbusni bir ovozdan qo‘llab-quvvatladilar.
“Biz hammamiz Donbassning Rossiya ekanligini uzoq vaqtdan beri bilamiz va his qilamiz. Biz sakkiz yildan beri buning uchun kurashamiz, buning uchun har kuni uylarimiz, ko‘chalarimiz, shifoxonalarimiz, maktablarimiz va bolalar bog‘chalarimizga qilingan zarbalarni boshdan o‘tkazamiz. Davlatlarimiz o‘rtasidagi mavjud bo‘lmagan chegarani, u uzoq vaqtdan beri qalbimizdan o‘chirilganidek, o‘chirish va Donetsk Xalq Respublikasining Rossiya Federatsiyasi tarkibiga qo‘shilishi masalasi bo‘yicha referendum o‘tkazish vaqti keldi”, — deyiladi murojaat matnida.
Tashabbus LXRning shunga o'xshash taklifidan so‘ng paydo bo'ldi. Shu bilan birga, LXR fuqarolik palatasi rahbari Aleksey Karyakin referendum “bir kunda bitadigan ish emas” ekanligini va hozircha uni o‘tkazishning taxminiy sanasini ayta olmasligini bildirgandi.
DXR rahbari Denis Pushilin 7-sentabr kuni respublikada referendum o‘tkazish vaqt masalasi ekanligini, chunki “ozod qilish operatsiyasi” davom etayotganini aytgan edi. Lugansk viloyatining deyarli butun hududi Rossiya qo‘shinlari va respublika kuchlari nazorati ostida bo‘lgan LXRdan farqli o'laroq, DXRda vaziyat boshqacha, mintaqa hududining yarmidan ko‘prog‘igina Moskva nazoratida bo‘lib turibdi.
“Biz doimo Rossiyaga sodiq bo‘lganmiz. 2014-yilda Donetsk Xalq Respublikasining davlat mustaqilligi bo‘yicha referendum o‘tkazar ekanmiz, ertami-kechmi vatanimiz hisoblangan Ulkan mamlakatga qaytish orzuyimizni amalga oshiradigan ikkinchi referendum albatta bo‘lishini bilardik, — degan edi Pushilin 7-sentabrda. Uning qo‘shimcha qilishicha, “tortib olingan” yerlarning har bir qarichi uchun javob berish fursati yaqinlashgan.
Mavzuga doir:
Izoh (0)