Qirg‘iziston va Tojikiston chegaradagi vaziyatni barqarorlashtirish va ikki davlat o‘rtasida tinchlik o‘rnatish to‘g‘risida protokol imzoladi. Bu haqda Qirg‘iziston Milliy xavfsizlik davlat qo‘mitasi rahbari Qamchibek Tashiev tojikistonlik hamkasbi Saymo‘min Yatimov bilan muzokaralardan so‘ng ma’lum qildi, deb yozadi “RBK”.
Rasmiy ma’lumotga ko‘ra, tinchlik protokoli uch bandni o‘z ichiga oladi:
- qo‘shinlarni chegara chizig‘idan doimiy joylariga qaytarish;
- ikki davlat chegarasida faqat chegara otryadlarining qolishi;
- chegara masalalarini hal etish jarayonini davom ettirish.
Ma’lumot o‘rnida, Tojikiston va Qirg‘iziston o‘rtasidagi chegara uzunligi 987 kilometrni tashkil etadi. Uning 460 kilometri bo‘yicha esa tomonlar o‘rtasida hanuzgacha kelishuvga erishilmagan.
Qirg‘iziston va Tojikiston o‘rtasidagi munosabatlar o‘tgan hafta keskinlashgan bo‘lib, davlatlar bir-birini o‘t ochishni to‘xtatish rejimini buzganlikda ayblagan va chegara qishloqlari o‘qqa tutilgani haqida xabar berilgan edi. Botken viloyatining Botken va Leylek viloyatlari va Qirg‘izistonning O‘sh viloyatining bir qismi, shuningdek, So‘g‘d viloyatining Isfara va G‘ofurov viloyatlarining bir qismi hamda Tojikistonning Laxsh viloyatida ham to‘qnashuvlar qayd etilgan. Botken viloyatida favqulodda holat rejimi ham joriy etilgan edi. Vaziyat avj olish vaqtlarda tomonlar o‘t ochishni to‘xtatishga bir necha bor kelishib olishgan, biroq kelishuvlarga rioya qilinmagan.
Mavzuga doir: “Chegaradagi mojaro ortida ektremistik guruhlar borligini taxmin qilyapmiz” — Marat Imanqulov
Izoh (0)