Londonda yashovchi 25 yoshli rassom Jeyms Kuk uchun avvallari portret chizish mushkul bo‘lgan. Ammo u o‘zining xos asbobi — yozuv mashinkasini topgach, hammasi ajoyib tarzda o‘zgardi. Hozirda Jeyms bu uskuna yordamida g‘ayrioddiy suratlar yaratmoqda. Bu haqda Euronews nashri hikoya qiladi.
Kuk Londondagi ofisida o‘zining 40 dan ortiq yozuv mashinkalari to‘plamidan foydalangan holda ajoyib chizmalar yaratadi.
Uning san’at asarlari bino va landshaft tasvirlaridan tortib, hayvonlar va mashhurlarning portretlarigacha bo‘lgan chizmalarni o‘z ichiga oladi.
Jeyms o‘z asarlarini yaratishda tasodifiy harflar, raqamlar va tinish belgilaridan foydalanadi.
Unda ushbu san’at turiga qiziqish ilk bor 2014-yilda, o‘zi uchun amerikalik yozuv mashinkasi rassomi Pol Smitning asarlarini kashf etganidan so‘ng uyg‘ongan. Shundan keyin u o‘z suratlarini yaratishni boshlagan.
Men o‘zimning yozuv mashinamni sotib olishga qaror qildim. O‘shandan boshlab kuchli ishtiyoq bilan asta-sekin unda chizishni o‘rgandim.Hozirda uning Instagram’da 20 mingdan ortiq obunachilari bo‘lib, u yerda o‘z fotosuratlari va videolarini joylashtirib boradi.
Kukning A4 qog‘ozida chiziladigan kichik rasmlari to‘rt-besh kungacha davom etishi mumkin. Ammo uning portretlari yanada ko‘proq vaqt talab qiladi.
“Jarayon hech qachon oson bo‘lmagan, bu har doim o‘ziga yarasha mushkul kechadi”, — deb ishining qiyinchiliklariga izoh beradi Kuk.
U yozuv mashinkasida san’at asarlari yaratish jarayonini “harflar, raqamlar va tinish belgilaridan iborat jumboq parchasi” — deya ta’riflaydi.
Odatda Kuk o‘z suratlarini tabiat qo‘ynida yaratishni afzal ko‘radi. U yerda yosh rassom ko‘proq tomoshabinlarning e’tiborini jalb qiladi.
Ishimni boshlaganimda meni kuzatayotgan odamlar xat yozyapti deb o‘ylab qandaydir chalkashib ketadi. Ammo keyinroq suratlar bir-biriga yaqinlashib tayyor holga kelgach kuzatuvchilar hayratda qoladi. Va suratlarni katta qiziqish bilan tomosha qilish mobaynida odamlarda suhbat uchqunlari paydo bo‘ladi.Yosh rassom shu yilning yoz oyida 15-iyuldan 7-avgustgacha Esseks shtatining Finchingfild shahrida joylashgan Wonky Wheel galereyasida o‘z asarlarini namoyish etdi.
Hozirda Jeyms Ginnesning rekordlar kitobiga kirish umidida eng katta yozuv mashinkasini chizishga harakat qilmoqda.
Izoh (0)