O‘zini o‘zi respublika deb e’lon qilgan Lugansk Xalq Respublikasi Xalq kengashi 2022-yil 23-27-sentabr kunlari mintaqaning Rossiya tarkibiga kirishi bo‘yicha referendum o‘tkazish to‘g‘risida qaror qabul qildi. Bu haqda LXR parlamenti spikeri Denis Miroshnichenko bayonotiga tayanib, Meduza xabar berdi.
19-sentabr kuni LXR Jamoat palatasi deb ataluvchi tashkilot respublika hokimiyatiga zudlik bilan referendum o‘tkazish taklifi bilan murojaat qilgandi. 20-sentabr, seshanba kuni esa LXR Xalq kengashi bir ovozdan referendum to‘g‘risidagi qonunni qabul qildi. Qonunni mintaqa mustaqilligini e’lon qilgan respublika rahbari Leonid Pasechnik imzoladi.
LXRdagi ushbu o‘zgarishdan hech qancha vaqt o‘tmay, Donetsk Xalq Respublikasida ham Rossiyaga qo‘shilish bo‘yicha referendum o‘tkazish 23-27-sentabr kunlariga belgilandi.
Undan tashqari, Rossiya tomonidan bosib olingan Xerson va Zaporojye viloyatlaridagi tashabbus guruhlari ham referendum o‘tkazishni taklif qilgan.
Meduza’ning Rossiya prezidenti ma’muriyatiga yaqin ikki manbasiga ko‘ra, Ukrainaning boshqa Rossiya tomonidan bosib olingan hududlarida ham 23-27 sentabr kunlari referendum o‘tkazadi.
Mavzuga doir: LXR Rossiyaga qo'shilish bo'yicha referendumni “bir kunda bitadigan ish emas” deb atadi
Izoh (0)