Ўзини ўзи республика деб эълон қилган Луганск Халқ Республикаси Халқ кенгаши 2022 йил 23-27 сентябрь кунлари минтақанинг Россия таркибига кириши бўйича референдум ўтказиш тўғрисида қарор қабул қилди. Бу ҳақда ЛХР парламенти спикери Денис Мирошниченко баёнотига таяниб, Meduza хабар берди.
19 сентябрь куни ЛХР Жамоат палатаси деб аталувчи ташкилот республика ҳокимиятига зудлик билан референдум ўтказиш таклифи билан мурожаат қилганди. 20 сентябрь, сешанба куни эса ЛХР Халқ кенгаши бир овоздан референдум тўғрисидаги қонунни қабул қилди. Қонунни минтақа мустақиллигини эълон қилган республика раҳбари Леонид Пасечник имзолади.
ЛХРдаги ушбу ўзгаришдан ҳеч қанча вақт ўтмай, Донецк Халқ Республикасида ҳам Россияга қўшилиш бўйича референдум ўтказиш 23-27 сентябрь кунларига белгиланди.
Ундан ташқари, Россия томонидан босиб олинган Херсон ва Запорожье вилоятларидаги ташаббус гуруҳлари ҳам референдум ўтказишни таклиф қилган.
Meduza’нинг Россия президенти маъмуриятига яқин икки манбасига кўра, Украинанинг бошқа Россия томонидан босиб олинган ҳудудларида ҳам 23-27 сентябрь кунлари референдум ўтказади.
Мавзуга доир: ЛХР Россияга қўшилиш бўйича референдумни «бир кунда битадиган иш эмас» деб атади
Изоҳ (0)